काठमाडौं : अमेरिकी राष्ट्रपति जो बाइडेनले दिपावलीको अवसरमा दियो बाल्दै यो पर्व मनाउने संसारभरका सबैलाई शुभकामना दिएका छन्। बाइडेनले आफ्नो ट्वी’टरमा राष्ट्रपति निवास ह्वाइट हाउभित्र दियो बालेको तस्बिर सहित दिवालीको शुभकामना दिएका हुन्। तस्बिरमा उनकी पत्नी तथा अमेरिकाकी प्रथम महिला जील बाइडेन पनि सँगै छिन्। बिहीबार लक्ष्मीपूजाको रात नेपाली समयअनुसार ८ बजेर ३१ मिनेटमा बाइडेनले उक्त शुभकामना सन्देश पोस्ट गरेका थिए । आफ्नो सन्देशमा उनी लेख्छन्, ‘दिवालीकाे प्रकाशले हामीलाई सधैं यो स्मरण गराओस्, हरेक अन्धकारपछि ज्ञान, चेतना र सत्यको समय आउनेछ, विभाजनपछि एकता आउनेछ र दु:खपछि आशा पलाउनेछ।’ उनले आफ्नो सन्देशमा अमेरिका मात्र होइन, दिवालीको उत्सव मनाइरहेका संसार भरका सबै हिन्दु, शिख, जैन र बौद्धहरूलाई शुभकामना दिएका छन्। तिहारको तेस्रो दिन हिन्दू ध’र्मावलम्बीले लक्ष्मीको पूजा आराधना गर्दै दीपावली मनाइ रहेका छन् । घरघरमा रङ्गी चङ्गी बत्ति बालेर धनधान्यकी देवी लक्ष्मीको पूजाआजा चलिरहेकाले सहर झकि झकाउ देखिएको हो । विगत दुई वर्षयता दीपावलीको समयमा नेपाल विद्युत प्राधिकरणले लोडसेडिङ हटाएकाले पनि लक्ष्मी पूजाको दिन झिलिमिली दृश्य देखिने गरेको छ ।
