पाँच दलीय गठबन्धन समन्वय समितिमा माओवादीबाट प्रचण्ड र नारायणकाजीलाई पठाइने

पाँच दलीय गठबन्धन समन्वय समितिमा माओवादीको तर्फबाट पार्टी अध्यक्ष पुष्पकमल दाहाल प्रचण्ड र नेता नारायणकाजी श्रेष्ठलाई पठाइने भएको छ । मंगलबार माओवादी पार्टी कार्यालय पेरिसडाँडामा बसेको माओवादी स्थायी समिति बैठकले प्रचण्ड र श्रेष्ठलाई पठाउने निर्णय भएको प्रवक्ता कृष्णबहादुर महराले जानकारी दिए ।

पाँच दलीय गठबन्धनको सोमबार बसेको बैठकले समन्वय समिति गठन गरेको थियो । जसअनुसार ५ दलबाट दुई–दुई जनाको प्रतिनिधित्व रहनेछ भने थप एक जना सञ्चारमन्त्री ज्ञानेन्द्र कार्कीलाई पनि राखिएको छ ।